About Shri Arvindnu Adhyatma Darshan
ભાણદેવજીનું પુસ્તક ‘શ્રી અરવિંદનું અધ્યાત્મદર્શન’ એ શ્રીઅરવિંદના આધ્યાત્મિક વિચાર અને સાધનામાર્ગને સમજાવતું શ્રદ્ધા અને સમજણથી ભરેલું પુસ્તક છે. આ પુસ્તકમાં તેમણે શ્રી અરવિંદ કેવી રીતે આધ્યાત્મિક જીવન જીવીને યોગમાર્ગની અનુભૂતિ કરી અને એને દુનિયા સમક્ષ રજુ કર્યો તે વિગતે સમજાવ્યું છે. શ્રી અરવિંદે માત્ર વેદો, ઉપનિષદો કે ગીતા વાંચી નથી, પરંતુ તેમાંની વાતોને જીવંત રીતે પોતાના જીવનમાં ઉતારેલી છે. ભાણદેવજી જણાવે છે કે શ્રી અરવિંદ ભૌતિક રીતે તટસ્થ રહીને પણ વિશ્વ માટે કાર્યરત રહ્યાં છે. આજે પણ શ્રીમાતાજી સાથે તેઓ અનુપમ આધ્યાત્મિક કાર્ય કરી રહ્યાં છે. આ પુસ્તકનો સાર એ છે કે અધ્યાત્મ એ સિદ્ધાંત નથી, એ જીવનની અંદર થતી અનુભૂતિ છે અને શ્રી અરવિંદ એ જ્ઞાન અને સાધનાના જીવંત ઉદાહરણ છે. વડોદરાથી શરૂ થયેલી તેમની યાત્રા સમગ્ર વિશ્વના ચેતનાશીલ પરિવર્તન સુધી પહોંચી છે. ભાણદેવજીનું આ પુસ્તક એ યાત્રાની અનુભૂતિ કરાવતો શાંતિભર્યો દ્રષ્ટિકોણ છે.
